Við fórum frá Falmouth föstudaginn 13. október kl. 13:00 (við erum ekki hjátrúarfull..) og sólarhring seinna vorum við komin til Frakklands. Camaret er huggulegur lítill hafnarbær steinsnar frá Brest. Það var synd að við skyldum ekki hafa tíma til að kanna hann betur. Við dvöldum þar aðeins eina nótt. Biscay-flói kallaði.

Það eru hótel, barir og kaffihús allt í kringum höfnina. Í fjörunni fúnuðu úr sér gengnir bátar. Við komum til Camaret seint á laugardagskvöldi og skunduðum glorsoltin beint á næsta kaffihús. Alls staðar var verið að loka og við komumst að þvi að við höfðum gleymt að breyta klukkunum okkar og það var orðið mun áliðnara en við héldum

Við lentum einnig í vandræðum með peningana okkar. Malcolm átti franska peningaseðla frá síðustu heimsókn sinni til Frakklands. í millitíðinni hafði hins vegar verið skipt um seðla og við komumst að því þegar við réttum þjóninum seðlana okkar að þeir eru nú einskis virði.