Peniche er önnur mikilvægasta fiskihöfn Portúgals og alltaf mikið um að vera niður á bryggju. Það þarf að greiða úr netum og bæta og allir hjálpast að.

Netin eru gríðarlega stór og fínmöskvuð og þó að það sé gaman að skoða þau á bryggjunni viljum við helst ekki koma neinsstaðar nærri þeim þegar við erum komin út á sjó. Það getur verið alvarlegt mál að fá net í skrúfuna eða vafið um stýrið og nærri því allir skútusiglarar sem að við hittum geta sagt okkur slíkar sögur af sjálfum sér eða öðrum og miklum hættum sem að fylgdu í kjölfarið.

Ungir sem gamlir hjálpast að. Ungu mennirnir sjá um allt sem að bátunum viðkemur en gamla fólkið bætir netin.