Englendingar kölluðu sumarið 2000 "sumarið sem aldrei kom". Þegar sólin lét á sér kræla fórum við í lengri skoðunarferðir auk þess sem að við bjuggum okkur undir að yfirgefa Falmouth. Ferðamenn voru þá þegar löngu horfnir af svæðinu og hótel byrjuð að loka.

Við hittum marga siglingamenn sem ætluðu að hafa vetrarsetu í Falmouth. Af veðrinu að dæma var það skynsamleg ákvörðun , en fyrir okkur var þetta að verða spurning um að hrökkva eða stökkva.-

Við notum þennan gúmmíbát til að komast til og frá landi. Veðrið var ekki alltaf svona gott í Falmouth og því voru þessar ferðir oft frekar blautar og betra að vera í pollabuxunum.

Sumir íbúanna taka greinilega hugtakið um endurnýtingu alvarlegar en aðrir.